Gorka Urbizuren kantu berria duzue LATITUDE HORIETAN. ‘Hasiera Bat’ bakarkako lehen disko txalotuaren ondotik (Only In Dreams, 2024), musikari nafarrak doinu berri hau idatzi du MIÑAN izeneko antzezlanaren osagarri gisa. Obra hau Artedrama taldeak taularatuko du datozen hilabeteotan, urriaren 25ean Bilboko Arriagan egingo den estreinaldiaren ondotik.
Nola antzezlana hala kantua, Ibrahima Balde eta Amets Arzallusek idatzitako MIÑAN liburuan oinarrituak dira, modu askean bada ere. Liburua -euskaraz- Susa argitaletxeak kaleratu zuen 2019 urtean eta geroztik hainbat hizkuntzatan ikusi du argia.
-Hitzak eta musika: Gorka Urbizu Ruiz
-Only In Dreams eta Azpizigilu Bat-ek argitaratua
-2024ko udan Teatre de Ca l’Eril antzokian grabatua (Guissona, Lleida)
-Ekoizpena eta nahasketak : Jordi Matas
-Ekoizpen eta nahasketa laguntzailea: Joan Pons
-Masteringa: Dave Cooley (Elysian Mastes, Pasadena, Kalifornia – AEB)
-Musikariak:
-Gorka Urbizu: Ahotsa eta gitarrak
-Jordi Matas: Baxua eta gitarrak
-Joan Pons: Bateria
